لـعبة الصراحة

من طرف ala2tayseer الجمعة يناير 01, 2010 1:34 am

مرااااااااااااااحبا بالجميع...

7
7
7
7
7
7
7
7

أتمنى تعجبكم اللعبه....
وهي..

لعبة الصراحة

يعني كل واحد يسأل سؤال مهما كان وعلى العضو اللي يدخل ان يقرأ آخر سؤال ويجاوبه بصراحة واذا كان في احراج يجاوب بقدر استطاعته .. وبعد مايجاوب يسأل سؤال ليجيب عليه العضو اللي يدخل بعده

وانا رح ابدا
شو اسم اقرب صديق /ة لالك ؟

من طرف **زمن الصمت** الجمعة يناير 01, 2010 3:13 am

أقرب صديقة لالي اسمها ( فداء) معلمتي الرياضيات في المدرسة بس للأسف افترقنا Sad

السؤال الي رح أسأله للعضو الي وراي :
شو أكتر اشي سويته بحياتك وبتتندم عليه؟؟ Sad

من طرف ala2tayseer السبت يناير 02, 2010 5:50 am

أكتر شي عملته وندمت عليه هو
اني أعطيت ثقتي لناس ما بيستاهلوها

وسؤالي للعضو الي وراي هو:
شو تغديت اليوم؟؟؟؟؟؟؟؟؟؟؟

من طرف **فتحي الشقيرات** الأحد يناير 03, 2010 3:27 pm

انا دخلت الساعه 9:26 للأسف لسه ما تغديت
السؤال للي بدخل بعدي هو كيف علاماتك هذا الفصل و كم بتتوقع يكون معدلك ؟

من طرف اللؤلؤ المكنون الأحد يناير 03, 2010 4:02 pm

شو هالاحراج هاد

يعني كنت الخامسة ع الدفعة وبتوقع اسير الخمسين ...سنة 2009 وخصوصا بدايتها ونهايتها كانت شؤوم وفشل من الناحية الدراسية ومن كل النواحي

سؤالي للي بعدي ....
مين بتحب اكتر امك ولا ابوك ولا دكتور هاني؟؟

من طرف ala2tayseer الأحد يناير 03, 2010 5:04 pm

انا بحب ماما وبابا بنفس الدرجة

و سؤالي للعضو التالي:

مين اكتر دكتور بتفهم عليه بالقسم بغض النظر عن امتحاناته؟

من طرف **فتحي الشقيرات** الأحد يناير 03, 2010 6:19 pm

شكرا على السؤال الحلو بس المشكله لازم الواحد يجرد نفسه من الحقد و الزعل على الدكاتره و يكون موضوعي و حيادي بالأجابه ...
الي بفهم عليه بغض النظر عن أسئلته هو الدكتور غالب جرار على الرغم أنه حملني مادة المعادن و باخذ الان عنده صخور لكن الواحد بفهم عليه كثير لأنه بشرح بما يرضي الله و بجيب الأسئله على قد ما شرح ............
السؤال للي بعدي هو أنت \انتي دخلت على القسم عن رغبه مسبقه فيه و لا كيف دخلت ؟

من طرف ala2tayseer الإثنين يناير 04, 2010 1:32 am

انا معدلي جبرني اني أدخل القسم والا انا اول ما دخلت الجامعة كنت بكرهه وبدي احول ،بس بعدين صار كل شي بحياتي وصرت اعشق دراسته

السؤال للعضو التالي:
كم وزنك؟

من طرف **Geoman** الإثنين يناير 04, 2010 2:01 am

أنا وزني 66 كيلو بعد ما كنت 74 كيلو في التوجيهي سؤالي للي بعدي مين بتحس إنو بفهم أكتر بالقسم ؟

دكتور زهير العيسى انسان رائع ...ودكتور هاني موسوعة

سؤالي للي بعدي ....

متى اخر مرة بكيت؟؟؟

من طرف **زمن الصمت** الإثنين يناير 04, 2010 5:01 am

آخر مرة بكيت فيها يوم الإتنين الماضي 28 -12

السؤال هو :
اكتب موقف أثر بحياتك بصورة ايجابية؟؟

اكثر موقف تعرضت اله و أثر على حياتي بصوره أيجابيه هو لما عرفت معدلي بالفصل الثاني سنه أولى لأنه معدلي بالفصل الأول كان سيء و أخذت عليه أنذار و كنت مهدد اذا ما عدلت المعدل و رفعتوه و لغيت الأنذار عني اني اطلع من الجامعه بس الحمد لله رفعتي معدلي و ظلت بالجامعه ......

سؤالي للي بعدي هو :-

شو أكثر موقف أحرجك بحياتك ؟

من طرف ala2tayseer الثلاثاء يناير 05, 2010 4:51 am

أكتر موقف احرجني انه لما كنت بمحاضرة واحد من الدكاترة بالقسم
سألني سؤال باسمي قدام كل الطلاب يلا جاوبي يا الاء وانا للأسف ما عرفت فهون حسيت يا ريت الارض تنشق وتبلعني ولا كنت بهالموقف المحرج

سؤالي للعضو الي بعدي:
شو كنت تتمنى تكون لو ما كنت جيولوجي ؟

من طرف **Geoman** الثلاثاء يناير 05, 2010 5:01 am

كنت أتمنى أكون هندسة لإنو معدلي سنمحلي بهالشي بس آآآآآآآآآآخ من التنافس بس الحمد لله بالنهاية أنا مبسوط لإني تعرفت عليكم

سؤالي للي بعدي شو أكثر موقف حسيت فيه بفخر ؟

اكثر موقف حسيت فيه بقخر لما طلع قبولي بالجامعه على عكس الي توقعوا الناس انو رح تطلع الي كليه يعني دبلوم و الحمد لله اني كنت بالمرتبه الأولى من ناحية التخصص و الجامعه على كل قرايبي و معارفي و أني صرت أول جيولوجي بالعائله كلها ........ Cool

سؤالي للي بعدي هو :-
شو أصعب فتره مرت بحياتك لدرجة انك كنت تتمنى لو أنك كنت في مكان ثاني بعيد عن الناس ؟

من طرف **زمن الصمت** الأربعاء يناير 06, 2010 2:32 am

أصعب فترة مرت علي فترة مرضتي وأنا مو عارف سبب المرض واتنقل من دكتور لدكتور ومن مستشفى لمستشفى وكل واحد يحكي سبب مختلف عن التاني بس الحمدلله تعافيت بفضله.

سؤالي للي بعدي::
تجربة فشل عشتها بحياتك؟؟ وشو احساسك بعدها؟؟

من طرف ala2tayseer الأربعاء يناير 06, 2010 5:12 am

تجربة الفشل الي تعرضتلها هي معدلي في الفصل الاول من السنه الاولى ما كنت راضية عنه،واحساسي بعدها اني لازم اشد حالي وكمان لازم انافس الطلاب و صرت بحمد الله أقوى بعد هالتجربة وحطيت هدف قدامي اني اجيب من اوائل الدفعة والحمد لله تخرجت وكنت التانية على دفعتي

سؤالي للعضو التالي:
مين قدوتك بهالدنيا ،ونفسك تصير متله/ متلها؟

من طرف **زمن الصمت** الجمعة يناير 08, 2010 3:22 am

للأسف مافي حد بحياتي قدوة الي Sad

سؤالي للي بعدي :
أسوء علامة حصلت عليها في حياتك الجامعية ؟؟؟ Embarassed

من طرف ala2tayseer الإثنين يناير 11, 2010 7:54 am

أسوأ علامة حصلت عليها هي +C في مادة البيو

سؤالي للعضو التالي :
لما تكون معصب\معصبة شو بتعمل\ي عشان تروق\ي؟

على الاغلب بنام ...ومرات بسمع فيروز

انت/ي راضي/ة عن نفسك ؟؟؟

من طرف ala2tayseer الثلاثاء يناير 19, 2010 4:50 am

الحمد لله راضية عن نفسي بنسبة 85%
السؤال للعضو الي وراي :
شو أكتر أكله بتحبها\بتحبيها؟ Smile

من طرف **زمن الصمت** الثلاثاء يناير 19, 2010 4:53 am

ممممممممم شو هاد الحظ السؤال وقع علي Sad

مابعرف مرات بكون راضية وبحترم نفسي كتييير بس أغلب الأحيان مابقدرها بحس كلي خطأ بخطأ للأسف Sad

بس الحمدلله ع كل حال !!

سؤالي للي بعدي::
أغلى شي بتملكه في حياتك ؟؟؟

من طرف **زمن الصمت** السبت يناير 23, 2010 10:56 am

مممم شكلي انا والاء ضايفين المساهمة بنفس الوقت بعتذر كتييير Smile

* رح أجاوب ع سؤالك الاء وبرجع أطرح نفس سؤالي.....

اكتر أكلة بحبها المشاوي والكبسة السعودية.

سؤالي للي بعدي:
أغلى شي بتملكه بحياتك؟؟

من طرف اللؤلؤ المكنون السبت يناير 23, 2010 11:33 pm

مممممم
عنجد عمري ما فكرت شو اغلى شي بحياتي

وبما انك حكيتي اشي وبملكه يعني رح استثني الاشخاص من الجواب
اغلى شي بملكه عقلي ....الانسان اغلى ما نملك خخخخخ

السؤال للي بعدي .....ايهم تفضل الزواج التقليدي ام الزواج بعد معرفة ((معرفة مش حب وخرابيط )) ؟؟؟

من طرف **Geoman** السبت يناير 23, 2010 11:43 pm

بالنسبة إلي الزواج بعد معرفة وأكيد مش حب وخرابيط الزواج التقليدي قديما ممكن أما هسة صعب

شؤالي للي بعدي شو أكتر شغلة في غرفتك بتعز عليك/عليكي ؟ وما ممكن تستغني عنها

سؤال غريب آه ؟

من طرف اللؤلؤ المكنون السبت يناير 23, 2010 11:51 pm

ممممممممم
والله سؤال غريب عنجد !!!

يمكن اكتر اشي بئدرش استغني عنو هو مخدتي ...لانو فش غيرها بتفهمني وما بتجيني الاحلام الحلوة الا عليها

السؤال للي بعدي ....شغلة نفسك اتغيرها بقسم الجيو ...شو هي؟؟

من طرف **Geoman** السبت يناير 23, 2010 11:55 pm

القسم كلوا

شو أكثر مقولة بتعجبك ؟

من طرف اللؤلؤ المكنون السبت يناير 23, 2010 11:58 pm

دع المقادير تجري في اعنتها ..ولا تنامن الا وانت خالي البال
ما بين غمضة عين وانتباهتها...يغير الله من حال الى حال

بس المشكلة اني مش ئادرة اطبئها

ايهم اقوى برأيك الصدفة والحظ ...ام العمل والكد؟؟

من طرف **Geoman** الأحد يناير 24, 2010 12:03 am

العمل والكد طبعاً لأنني لن أعيش طول العمر أنتظر الصدفة أو الحظ العمل والكد نتائجة واضحة إن تماشت مع الخطط والتفكير الجيد وليس السيء
أما الصدفة أو الحظ فهي تأتي مرة وتختفي وهذا لا يعتبر من القوة

كيف تفسرون الطيبة في زمننا هذا ؟

من طرف اللؤلؤ المكنون الأحد يناير 24, 2010 12:10 am

الطيبة ليست بحاجة الى زمن معين ليتم تفسيرها ...الطيبة في كل الازمان صفة تلازم اصحاب القلوب البيضاء
لكن لا ادري ان كان قصدك الطيبة الزائدة عن اللزوم ...التي تجعلك تتنازل عن حقوقك وتجعل منك اضحوكة للغير ...في هذه الحالة فهي خنوع وليست صفة محببة

لو تم تنصيبك كرئيس على بلد ما ...ما هو اول قانون ستكتبه في الدستور؟؟

من طرف **Geoman** الأحد يناير 24, 2010 12:22 am

لو تم تنصيبي أول قانون سأكتبه في الدستور هو

المساواة الفعلية بين الطبقات وإلزام الطبقات الغنية بالنفقة ومساعدة الطبقات الفقيرة ليس بتقديم المال وحده
بل بإشراكهم في سوق العمل وتوفير الفرص العلمية والعملية لهم
ومن ثم العمل على غرس روح الوطنية والعمل على تحرير الأراضي المحتلة في جميع بقاع الأرض

طيب لو جعلوكي رئيسة وزراء في بلد ما شو راح تسوي ؟

من طرف اللؤلؤ المكنون الأحد يناير 24, 2010 12:34 am

طيب لو جعلوكي رئيسة وزراء في بلد ما شو راح تسوي ؟

بفهم من هالحكي انك عينتني رئيسة وزراء عندك؟؟
طيب بما اني رئيسة الوزراء اول اشي بعملو بطرد كل الولاد برا البلد وبعملها دولة نسائية خخخخخ

لا عنجد اول اشي رح احط الرجل المناسب في المكان المناسب ..وبعد هاي الخطوة اكيد كلشي في البلد بيتحسن

ممممم السؤال للي بعدي بترضو فينا انا وجيو مان رؤساء للدولة؟؟

السؤال للي بعدي عنجد مين اكتر عضو بتحس انو حزين؟؟

من طرف **Geoman** الأحد يناير 24, 2010 12:37 am

أنا ما بقدر أجاوب يا رئيسة الوزراء خليهم هما يجاوبو أحست Smile

من طرف اللؤلؤ المكنون الأحد يناير 24, 2010 12:52 am

ما شاء الله عنك ديمقراطي .....

من طرف **Geoman** الأحد يناير 24, 2010 1:19 am

ولا شو نحنا بنلعب ولا بنلعب

من طرف **زمن الصمت** الأحد يناير 24, 2010 9:18 pm

جيو مان ولؤلؤ بعد مابنتو حلمكم رؤساء دولة بدنا نحطملكم إياه ؟؟ أكيد لأ مو حلوة بحقنا يعني هههههههههههههه خليكم رؤساء بس الدستور مابمشي الا بتوقيعي مفهوم؟؟ هههههههههه

أما بالنسبة لسؤالك لؤلؤ مين اكتر عضو بتحس انو حزين؟؟
صعب أجاوب عليه لإني مابعرف الحياة الشخصية لأي عضو من الأعضاء...

سؤالي للي بعدي :
شو لونك المفضل ؟؟

من طرف **Geoman** الأحد يناير 24, 2010 10:13 pm

هههههههههههههههههههه
لوني المفضل البرتقالي الغامق

ما هو حيوانكم المفضل ؟

من طرف **زمن الصمت** الإثنين يناير 25, 2010 4:31 am

الأرنب والقطة ..

سؤالي للي بعدي
اكتب موقف شعرت بأنك جرحت شخص فيه؟؟

من طرف اللؤلؤ المكنون السبت يناير 30, 2010 6:53 pm

في كتير مواقف بتسير معي اني بجرح ناس بيعزو علي ..بس شو اعمل انا هيك دفشة شوي ولساني متبري مني
بس يمكن اكتر موقف تندمت عليه شغلة ما الي دخل فيها بس البينت انجرحت
حدا فهم اشي؟؟؟ ....هاد المطلوب

السؤال للي بعدي ....لو اجت الفرصة وقدرت ترشح حالك في مجلس الطلبة
ازا كنتتي بنت بتتوقعي الولاد يصوتولك؟؟
ازا كنت ولد بتتوقع البنات يصوتولك؟؟

من طرف **فتحي الشقيرات** الأحد يناير 31, 2010 7:56 pm

اذا رشحت حالي للمجلس انا متأكد من انو البنات رح يصوتوا الي و بنسبه كبيره كمان

سالي للي بعدي شو حاب تصير بعد ما تتخرج من الجامعه ؟

من طرف **Geoman** الأحد يناير 31, 2010 8:31 pm

حاب أكون أحسن وأنجح جيولوجي بالدنيا كلها وأضارب عليكو يا جيو

سؤالي للي بعدي نفسك إبنك أو بنتك أو إبنٍك أو بنتٍك يكون إسمو أو إسمها إيش ؟ إنشاء الله

من طرف ala2tayseer الإثنين فبراير 01, 2010 1:22 am

نفسي يكون اسم ابني ( حمزة ) اما بالنسبة لاسم البنت فلسه ما قررت

سؤالي للي وراي :
مين العضو الي بتحسه/بتحسيه مفعم بالنشاط داخل المنتدى ؟

من طرف **زمن الصمت** الإثنين فبراير 01, 2010 2:29 am

العضو الي بحسه مفعم بالنشاط هو جيو مان الله يديمه ويسر أموره ...
بتمنى أكون وفقت في اختياري ...

سؤالي للي بعدي:
ماهي أسعد لحظات حياتك؟؟ Smile

من طرف **Geoman** الإثنين فبراير 01, 2010 3:13 am

شكرا والله يخليكي ويديمك يا رب للمنتدى وإلنا إنشاء الله

أسعد لحظات حياتي كانت

لما نجحت بالتوجيهي لما غيرت وجهة نظر إنسان عن أمر كان بدو يغير نمط حياتوا للأبد للأسوأ والحمد لله من بعدها تحسنت أموره وتغيرت نظرتوا للحياة
وأسعد لحظة بحياتي هي كمان لما والدتي ووالدي يرضوا عني يااه ما احلى هالشعور

سؤالي للي بعدي
لو وضعت موضع مواجهة ما هي الملكات التي تستطيع من خلالها إقناع الطرف الآخر بفكرتك أو مواجهتك ؟

لو وضعت موضع مواجهة ما هي الملكات التي تستطيع من خلالها إقناع الطرف الآخر بفكرتك أو مواجهتك

في عصر اختفى فيه تاثير الكلام وبقي تاثير رزم المال ...صعب جدا اقناع اقناع الطرف الاخر
لكن ان كنت ارى امامي انسان حقيقي ذو مخ واعي يقتنع بالكلام ساستشهد بالايات القرانية وساستشهد باقوال اناس ناجحين ...سابين مدى نجاح فكرتي دون المساس بفكرته
وانا لم اصل لاقنعه بفكرتي لتبنيها يكفيني ان ان يقتنع بانها صحيحة

نفس سؤال جيو مان للي بعدي

من طرف سنفورة امورة الخميس فبراير 25, 2010 10:27 pm

بصراحة السؤال كبييييييير وبدو حدا عندو تجربة بالحياة(انا لسا سنفورة...خفو علي شوي) مع انو بحس انو انا عندي قدرة على الاقناع.
بس انا حبيت سؤال اسماء البنت ولاولاد انا ابني بدي اسميه(قيس)والبنت(يارا,دلع) : Smile

وسؤالي هوه شو احلى موقف صار معك لما كنت سنفور,,,,,,,,,,,,,,,,,,,

من طرف سنفورة امورة الخميس فبراير 25, 2010 10:29 pm

ييييييييي نسيت اكتب سؤال للي بعدي سؤالي هوه شو أحلى موقف صار معك لما كنت سنفور؟ Razz

من طرف سنفورة امورة الخميس فبراير 25, 2010 10:36 pm

ييييييييييي نسيت اكتب السؤال سووووري.....سؤاالي هوه شو احلى موقف صار معك لما كنت سنفور؟
وبدي اعرف جيومان واللؤلؤة المكنونة انتوا اي سنة ازا ممكن............ king

من طرف **زمن الصمت** الجمعة فبراير 26, 2010 4:18 pm

جيومان سنة 3 واللؤلؤ سنة 2 ..

أحلى موقف صار معي
سالت عن المصلى في مبنى البيو حكولي الطابق 4 وانا رحت ماخليت درج الا طلعتله عشان اروح اصلي وفي الآخر عرفت انو المبنى 3 طوابق
هههههههههههه...

سؤالي للي بعدي
صفة حاب تغيرها في شخصيتك ؟؟ Suspect

من طرف **Geoman** الجمعة فبراير 26, 2010 4:40 pm

ممممممم بالنسبة إلي هي كلمة نعم

اما شو أكبر كذبة انت/ي عشتوها